Sa ikatlong sunod na araw, muling nakapagtala ng below 3,000 COVID-19 cases sa bansa.
Batay sa datos ng Department of Health, umabot sa 2,318 ang mga bagong kaso ng COVID-19 kahapon.
Kabilang dito ang 54 new deaths kaya’t sumampa na sa 61,667 ang death toll.
Dahil dito, bumaba pa sa 28,525 ang active cases habang sumampa na sa 3,874,641 ang total cases.
Umakyat na rin sa 3,784,449 ang recoveries.
Samantala, pinaka-marami o 782 sa mga bagong infections ay mula sa Metro Manila.
