Matapos kumalat sa social media ang isang post na hindi umano tinanggap sa isang mall ang natiklop na bagong 1K peso bill na gawa sa polymer ay naglabas ng abiso ang Bangko Sentral ng Pilipinas (BSP).
Inabisuhan ng BSP sa mga bangko at iba pang mga establisyimento na tanggapin ang mga natiklop na perang papel kahit pa ang naturang bagong 1 thousand peso bill.
Dagdag pa ng BSP, hindi dapat tanggihan ang mga natiklop na perang papel sa kabila ng kanilang naunang abiso kung paano ingatan ang naturang banknote.
