Aabot sa P1.4 million na halaga ng marijuana ang narekober ng mga otoridad sa dalawang biktima matapos maganap ang isang vehicular accident sa Kenon Road, Camp 4, Tuba, Benguet.
Kinilala ang dalawang biktima na sina Jimmsie Galang Salazar, 40-anyos, driver at kasama nitong si Justine Jerome Baisa, 28-anyos.
Sa imbestigasyon ng Tuba Municipal Police Station, galing sa Baguio City ang mga biktima at patungo sanang Lowland Area habang tinatahak ang pababang zigzag ng Kennon Road nang magkaroon ng brake malfunctioned dahilan para tumaob at tumagilid ang sinasakyan ng mga biktima.
Dahil dito, parehong nagtamo ng mga pinsala sa katawan ang driver at pasahero na nahaharap ngayon sa kasong paglabag sa Republic Act 9165 o Comprehensive Dangerous Drugs Act of 2002.
