Ikinokonsidera ng Philippine National Police (PNP) kung may pangangailangan pang i-jam o tanggalin ang cellphone signal sa paligid ng National Museum para sa inagurasyon ni President-Elect Ferdinand “Bongbong” Marcos Jr. bukas.
Ayon kay PNP Director for Operations Police Major General Valeriano De Leon na nakadepende ito sa mga impormasyon na makakalap ng kanilang intelligence group.
Ngunit aniya ang pag jajam ng signal ay isa sa kanilang mga kinokonsidera lalo pa’t buong mundo ang nakasubaybay dito.
Dagdag pa ni De Leon, ifi-finalize pa umano ang mga naturang plano matapos ang pagpupulong sa presidential security group.
Samantala, magkakasa naman si De Leon ng final inspection mamayang hapon sa paggaganapan ng inagurasyon bukas.
