Inihayag ng Federation of Jeepney Operators and Drivers Association of the Philippines (FEJODAP) na hanggang piso ang kanilang panawagan na dagdag pasahe sa pamahalaan.
Ito’y para magpatuloy ang pagbibigay serbisyo ng kanilang kasapian sa mga gumagamit ng pampublikong transportasyon.
Sinabi ni FEJODAP President Ricardo Rebano, gustuhin man nilang humiling ng dagdag pasahe ay hindi kakayanin ng gobyerno lalo na sa patuloy na pagtaas ng presyo ng produktong petrolyo.
Bukod dito, sinabi naman ni Rebano na nakatulong naman aniya ang pantawid pasada na ayuda ng pamahalaan ngunit hindi naman lahat ay nakatanggap nito.
Samantala, nanawagan naman ang FEJODAP sa marcos administration na pagaangin ang mga requirements para sa mga jeepney driver.