Hindi dapat gawing mandatory ang vaccination at testing sa mga onsite workers.
Ito ang iginiit ng Trade Union Congress of the Philippines (TUCP).
Sinabi ng Labor Group, ang patakarang ito ay lilikha lang ng kawalan ng trabaho at underemployment opportunity sa gitna ng pagsisikap na makabangon mula sa COVID-19 pandemic.
Ayon kay TUCP Spokesperson Allan Tanjusay, direkta umanong tatamaan ang mga nakamit na at madiskaril ang momentum ng paggagawa at negosyo.
Binigyang diin din ng grupo na hindi dapat gawing mandatory ang vaccination at ang gastos sa COVID-19 tests ay dapat libre at hindi pinapasa sa mga manggagawang indibidwal.