Hinihintay na lang ng Department of the Interior and Local Government ang Implementing Rules and Regulations (IRR) ng Cebu City Government sa optional na pagsusuot ng Face mask.
Kasunod ito nang naganap na phone meeting ni DILG Secretary Eduardo Año at ni Cebu Governor Gwen Garcia para pag-usapan ang inilabas na direktiba ng Gobernadora.
Ayon kay Año, maayos ang naging pag-uusap nila ni Garcia dahil nagkasundo agad para sa iisang solusyon.
Sa ngayon, kailangan na lang na mag-isyu ng IRR ang Cebu Provincial Government bago ipatupad ang Section 4 ng Cebu Ordinance no. 2022-03.
Noong June 9, unang inilabas ni Garcia ang Executive Order no. 16, kung saan gagawing optional ang pagsusuot ng Face masks sa open spaces, na inaprubahan ng Cebu Provincial Board para gawing ordinansa noong June 14.
