Matatapos na sa Hunyo a-30 ang programang ‘Libreng Sakay’ ng gobyerno sa mga PUVs at sa MRT-3.
Kasabay ito nang pagbaba sa pwesto ni Pangulong Rodrigo Duterte, bilang pagbibigay-daan sa papasok na administrasyon ni President-elect Ferdinand Marcos Jr.
Ayon sa Land Transportation Franchising and Regulatory Board (LTFRB), nauubos na ang pondong kanilang ginagastos para sa naturang inisyatibo.
Dahil hindi na pwedeng i-extend, wala nang libreng sakay sa 28 ruta ng jeepney sa Metro Manila.
Noong June 16, 2022, nauna nang nagtapos ang free rides sa 118 ruta ng jeep.
Matatandaang aabot sa P7-B ang pondong ibinigay sa LTFRB para sa Libreng Sakay Program, na nababawasan ng P14-M kada araw na ibinabayad sa mga PUVs.
