Nasawi ang isang rider at angkas nito matapos araruhin ng rumaragasang bus ang sinasakyan nilang motorsiklo sa Barangay Dunggoan sa Danao City, Cebu kagabi.
Dead on arrival sa ospital ang mga biktimang sina Christian Warren Perez Bendaña, 35 taong gulang, at Jephy Navales, 37 taong gulang.
Lumalabas sa imbestigasyon ng Danao City Police Station na lulan ng motorsiklo ang dalawa nang salpukin ng Ceres Bus na minamaneho ng isang Rano Dela Cruz Miscala, 28 taong gulang, ng San Remigio.
Nabatid na sa lakas nang pagkakabangga ay tumilapon ang dalawa na naging sanhi ng kanilang pagkamatay.
Nangako naman ang bus company na sasagutin nito ang mga gastusin sa pagpapalibing ng mga biktima. —sa ulat ni Gilbert Perdez (Patrol 13)