Bumoto na si vice presidential bet mayor Sara Duterte para sa 2022 national elections ngayong araw.
Dumating ang alkalde sa Daniel R. Aguinaldo National High School sa Davao City dakong 9:10 kaninang umaga.
Nakaboto na rin si vice presidential candidate senator Kiko Pangilinan sa Inchican Elementary School sa bayan ng Silang, Cavite.
Gayundin si vice presidential bet senate President Vicente Sotto the III na bumoto kasama ang kaniyang asawa at anak sa Barangay White Plains, Covered Court sa Quezon City.
Bukod dito, nakaboto na rin si vice presidential bet Dr. Willie Ong sa Dasmariñas Village Clubhouse sa Makati City.
Sa E. Rodriguez High School sa Quezon City naman bumoto si partido lakas ng masa vice presidential candidate professor Walden Bello.
Nakaboto na rin si Vice Presidential Candidate Rizalito David sa Tibagan High School sa Makati.
Sa Rafael Palma Elementary School sa Manila bumoto kaninang tanghali si vice presidential candidate house deputy speaker Lito Atienza.
Samantala, nakaboto na rin si vice presidential candidate Manny SD Lopez sa Judge Juan Luna High School sa Quezon City.
