Inaasahang maipoproklama sa May 16 ang mananalong mga senador at party-list organizations sa 2022 polls.
Ayon kay Comelec commissioner George Garcia, posibleng matapos sa May 15 ang pagbibilang sa resulta ng mga nanalong senador at party-list groups.
Sinabi pa ng poll official na malalaman ang mga nanalo sa lokal na posisyon tulad ng mayor at vice mayor ilang oras matapos magsara ang mga voting precinct.
Kinabukasan naman aniya malalaman ang mga nanalong congressman, governor, vice governor at sangguniang panlalawigan.
Maaaring makaboto mula ala-6 ng umaga hanggang ala-7 ng gabi sa darating na May 9.
