Hinamon ni Senador Antonio Trillanes ang Administrasyong Duterte na ipakulong siya.
Kasunod ito ng mga usap-usapang si Trillanes na ang susunod na makukulong matapos arestuhin si Senadora Leila de Lima kahapon ng umaga.
Sinabi ni Trillanes na hindi siya natatakot at handa siyang harapin ang mga ipupukol sa kanya ng mga kalaban niya sa pulitika
Dagdag pa ng Senador, gawin na ng administrasyon ang lahat sa kanya dahil ipakukulong niya si Pangulong Rodrigo Duterte sa sandaling matapos ang termino niya bilang Presidente.
By: Avee Devierte / Jonathan Andal
