Sumirit sa higit 4,600 ang bagong kaso ng Human Immunodeficiency Virus o HIV sa bansa sa unang bahagi ng 2026.
Ito ang kinumpirma ng Department of Health, kasabay ng ulat ng HIV and AIDS Surveillance of the Philippines na tumaas ng siyam na porsyento ang mga bagong kaso ng naturang sakit sa bansa.
Tinatayang 24 porsyento o higit 1,100 mula sa kabuuang numero ang nasa advanced stage o malubhang antas na.
Naitala ang pinakamataas na kaso ng HIV infections sa Metro Manila sa 989 cases, sumunod ang CALABARZON sa 808, SOCCSKSARGEN sa 277, at Davao Region na may 263. —sa panulat ni Reianne Antiquina
