Patay sa pamamaril ang isang negosyante sa ibaan, batangas.
Kinilala ang biktima na si Peterson Co, 49-anyos at residente ng Barangay Bolbok sa nabanggit na lugar.
Sa imbestigasyon ng mga otoridad, nagtungo sa barangay buliat sa ibaan ang biktima na isang kontratista ng mga proyekto para magpasahod ng mga tauhan nang isang salarin ang dumating saka pinagbabaril si co.
Agad na isinugod sa ospital ang biktima pero idineklara itong dead on arrival.
Narekober ng mga otoridad sa nasabing lugar ang walong basyo ng bala ng cal .45 baril habang patuloy pang inaalam ang motibo at pagkakakilanlan sa salarin na tumakas matapos ang krimen. — sa panulat ni Angelica Doctolero
