Arestado ang 1 drug suspek matapos makuhanan ng 135 gramo ng hinihinalang shabu sa ikinasang operasyon ng Police Intelligence Unit ng Rizal PNP sa Taytay, Rizal.
Kinilala ni Rizal Provincial Police Office Director, P/Col. Dominic Baccay ang drug suspek na si Mark Paul Gerico na residente sa isang subdivision sa Brgy. San Juan sa naturang bayan.
Nakuha mula sa suspek ang 6 na maliliit na plastic sachet na naglalaman ng hinihinalang shabu na nagkakahalaga ng P918K, 1 pouch bag, isang P500 marked money.
Dinala ang suspek gayundin ang mga nasamsam na ebidensya sa Rizal Provincial Forensic Unit para isailalim sa masusing imbestigasyon at documentation. – ulat mula kay Jaymark Dagala (Patrol 9)
