Makakatulong sa pagtugon sa kakulangan sa merkado ang pag-aangkat ng refined sugar batay sa isang miyembro ng Philippine Chamber of Food Manufacturers, Incorporated (PCFM Inc.).
Ayon kay Charmant Ingredients Corporation President and Managing Director Helen Grace Baisa, ito ay dahil sa kasalukuyang local shortage ng refined sugar.
Nagdulot aniya ng pinsala sa ilang refineries pati na rin sa supply ng asukal ang bagyong Odette na tumama sa bansa noong Disyembre.
Sinabi pa ni Baisa na tumaas ng 25% ang presyo ng refined sugar noong unang linggo ng Pebrero kumpara noong nakaraang taon.
Samantala, ilang mambabatas ang tumutol sa pag- aangkat ng asukal. —sa panulat ni Airiam Sancho
