Dinumog ng mga nais magpa-full tank ang ilang gasolinahan kagabi bunsod ng pagtaas ng presyo ng mga produktong petrolyo.
Hindi inalintana ng maraming motorista ang haba ng pila para makatipid, gaya sa Imelda Avenue at Ortigas Avenue extension sa Cainta, Rizal na nag-mistulang prusisyon.
Sa pag-iikot ng DWIZ, pinilahan din ang ilan pang gasolinahan sa Metro Manila, tulad sa Pasig, Caloocan at Quezon cities.
Dahil sa price hike, maglalaro na sa 66 hanggang 85 pesos ang kada litro ng gasoline; 58 hanggang 73 pesos ang diesel.
