Kinumpirma ng Philippine National Police – Public Information Office o PNP-PIO na pumanaw na ang 1 sa 3 sakay ng PNP Helicopter na bumagsak sa bahagi ng Real, Quezon kaninang umaga.
Kinilala ni PNP-PIO Chief, P/BGen. Roderick Alba ang nasawi na si Patrolman Allen Noel Ona na unang napaulat na nasa kritikal na kondisyon na pumanaw habang ini-aalis sa mismong Helicopter.
Habang dinala na sa Kampo Crame mula sa Claro M Recto Hospital sa Infanta, Quezon ang mga piloto na sina P/LtC. Dexter Vitug at P/LtC.Michael Melloria.
Dahil dito, grounded o hindi na muna papayagang makalipad ang buong fleet ng H125 Airbus Police Helicopters ng PNP habang nagpapatuloy ang imbestigasyon sa pakikipag-ugnayan sa Civil Aviation Authority of the Philippines at Department of Transportation.
