Tiniyak ng Malakanyang ang maayos na transition ng COVID-19 pandemic response at strategic plans ng gobyerno sa sususnod na administrasyon.
Ayon kay acting presidential spokesman, cabinet secretary Karlo Nograles, lahat ng dokumento sa ilalim ng phase 5 o NAP 5 ng COVID-19 national action plan ay kanilang ite-turn-over sa bagong liderato.
Kabilang sa NAP 5 ang mga istratehiya sa pag-protekta sa mga komunidad at mamamayan laban sa pandemya kasabay ng pagpapalakas sa ekonomiya ng bansa upang manumbalik ang kabuhayan ng mas maraming tao.
Binigyang-diin naman ni Nograles ang kahalagahan na mapataas ang vaccination rate sa bansa upang tuluyang matuldukan ang pandemya.
