Naipasa na ng Commission on Elections (COMELEC) sa pangangalaga ng Bangko Sentral ng Pilipinas (BSP) ang source codes na gagamitin para sa automated election system.
Sinaksihan ng Parish Pastoral Council for Responsible Voting (PPCRV) ang nasabing aktibidad.
Ayon kay COMELEC Commissioner Marlon Casquejo na layon nito na mapangalagaan ang integridad ng automated election system at matiyak sa publiko ang kredibilidad, tapat at malinis na halalan.
Sinabi naman ni BSP Managing Director Rosabel Guerrero na tanging mga otorisadong tauhan ng ang maaaring makapagbukas ng vault na naglalaman ng flash drives para sa source codes. —sa ulat ni Aya Yupangco (Patrol 5)