Pinaghahanap na ng mga tauhan ng 501st Infantry Brigade Philippine Army ang humigit kumulang apat napung miyembro ng New People’s Army (NPA) makaraang makasagupa ng mga sundalo sa bulubunduking bahagi ng bagsang Sta. Clara, Gonzaga sa Cagayan Valley.
Ayon kay Captain Rigor Pamittan, DPAO Chief ng 5th Infantry Division Philippine Army, natunugan nilang magsasagawa ng pagpupulong ang mga npa sa lugar bilang paghahanda para sa kanilang extortion activity.
Kasunod ito ng pagkakadiskubre ng kanilang pinagtataguang mga armas at pagkain maging ang pagbabalik-loob sa pamahalaan ng kanilang mga kasamahan.
Patuloy pang ginagawa ang pagtugis sa mga tumakas na npa kung saan, nagtalaga na ang 5th ID ng mga sundalo sa sitio bagsang upang makakuha ng mga karagdagang impormasyon na maaaring makapagturo sa kinaroroonan ng mga rebelde.—sa panulat ni Angelica Doctolero
