Itataas ni Pangulong Rodrigo Duterte ang Special Risk Allowance (SRA) ng volunteer health workers sa gitna ng muling pagsipa ng kaso ng COVID-19 sa bansa, partikular sa Metro Manila.
Sa kanyang Talk to the People kagabi, nagtanong si Pangulong Duterte kung magkano ang natatanggap na SRA ng mga volunteer Health worker bagay na sinagot ni Health Secretary Health Francisco Duque III ng P5,000.
Gayunman, naliliitan ang pangulo sa nasabing halaga lalo’t peligroso ang pagharap ng mga nasabing manggagawa sa mga pasyenteng may kumpirmado o hinihinalang may sakit.
Kinatigan naman ni Duque ang hirit ng pangulo dahil makahihikayat ito ng mas maraming volunteers.
