Pinataob ng Milwaukee Bucks ang Houston Rockets sa NBA sa iskor na 126-106.
Tinambakan ng Bucks ang Rockets sa 1st hanggang 3rd quarter kung saan, nanguna sa kanilang panalo si Jrue Holiday na nagpakawala ng 24 points, 4 rebounds at 10 assists.
Nakapagtala din ng 23 points, 3 rebounds at 6 assists si Khris Middleton habang nasayang naman ang 20 points at 11 rebounds ni Christian Wood ng Rockets.
Abangan naman bukas ang susunod na laban ng Bucks kung saan, kanilang makakaharap ang Dallas Mavericks alas-9:30 ng umaga, oras sa Pilipinas. —sa panulat ni Angelica Doctolero
