Pinaikli na ng gobyerno sa tatlong buwan mula sa dating anim na buwan ang interval para sa pagtuturok ng COVID-19 booster.
Ayon kay Health Secretary Francisco Duque, III, epektibo na simula ngayon ang pinaikling interval alinsunod sa rekomendasyon ng Food and Drug Administration sa Vaccine Expert Panel.
Maaari rin naman anyang ibigay ang booster kahit dalawang buwan pa lamang matapos ang second shot ng COVID-19 vaccine.
Samantala, muling nanawagan si Duque sa mga local government unit na hikayatin ang kanilang constituents na magpabakuna, lalo ang mga unvaccinated senior citizen at may comorbidities na lantad sa COVID-19.