Aabot sa mahigit apat na milyong pisong halaga ng ecstasy tablets ang nasabat ng mga otoridad sa Pasay City.
Isinilid ang 2,437 party drugs sa dalawang letter posts at isang parcel na idineklarang naglalaman ng switch panel.
Ayon sa Bureau of Customs (BOC), isa sa mga parcel ay nagmula sa netherlands at isa naman ang galing sa germany at naka-consignee sa iba’t ibang indibidwal sa Quezon City, Bulacan at Las Pinas City.
Nai-turn over na ang naturang party drugs sa PDEA laboratory service para sa karagdagang imbestigasyon. —sa ulat ni Gilbert Perdez (Patrol 13)
