Wala pang natutukoy na COVID-19 Omicron variant ang Philippine Genome Center ngunit kinakailangan pa nitong kumuha ng mas maraming samples upang matiyak na wala pang kaso ng naturang variant sa bansa.
Ayon kay PGC Executive Director Dr. Cynthia Saloma, sa ngayon ay nasa 18,000 samples na ang kanilang nasuri.
Kinakailangan aniya ng PGC na mas paigtingin pa ang sequencing lalo na sa mga indibidwal na papasok sa bansa.
Sinabi pa ni Saloma na sisimulan nila ang sequencing sa mga samples sa Visayas at Mindanao sa susunod na buwan.—sa panulat ni Hya Ludivico
