Itinanggi ng alkalde ng Catanauan, Quezon ang ulat na nabuburo umano ang Sinovac COVID-19 vaccines sa kanilang lugar dahil ayaw ng mga residente na magpaturok nito.
Nilinaw ni Catanauan Mayor Ramon Orfanel na nauubos ang naturang mga bakuna sa kanilang bayan.
Sinabi pa ng alkalde na nagsasagawa sila ng information campaign hinggil sa naturang brand ng bakuna.
Matatandaang sinabi ni Dr. Tiong Eng Roland Tan, Assistant Department head ng Integrated Provincial Health Office ng lalawigan, na nasa 37,000 Sinovac vaccines ang hindi pa umano nagagamit at nakaimbak lamang.
Samantala, sinabi pa ni Orfanel na kabilang sa mga itinuturok sa mga residente sa 3-day National Vaccination ang mga bakunang gawa ng Astrazeneca, Moderna, at Sinovac.—sa panulat ni Hya Ludivico