Binigyang diin ng Labor Department na hindi minamandato ng pamahalaan ang pagbabakuna sa mga on site workers.
Ito’y kaugnay sa naging panawagan ng ilang mambabatas kay Pangulong Rosdrigo Duterte na bawiin ang IATF Resolution 148-B o COVID-19 mandatory vaccination para sa mga on site workers.
Sinabi ni Labor Asec. Ma. Teresita Cucueco, hindi pipilitin na magpabakuna ang mga nais magtrabaho on site ngunit kailangan sumailalim ito sa regular na swab test kung saan magmumula sa kanilang mga bulsa ang ibabayad dito.
Habang ang mga manggagawa naman na naka-work from home ay hindi minamandatong magpabakuna.
Aniya, nakasaad sa pinapairal na Republic Act na 11525 na hindi mandatory ang pagbabakuna sa mga empleyadong ayaw magpabakuna.
Gayunpaman, hinihikayat ng DOLE ang publiko na magpabakuna kontra COVID-19 hindi lamang sakanilang kaligtasan pati na rin sa kanilang pamilya at katrabaho.