Hinikayat ni Presidential aspirant Ferdinand “Bongbong” Marcos, Jr. ang gobyerno na iprayoridad ang paggamit ng mga locally-made na hiringgilya.
Ito ay upang matugunan ang kakulangan sa suplay ng syringe na maaaring makahadlang sa vaccination program ng bansa.
Giit ni Marcos kailangang matugunan ang suliraning ito lalo na’t papalapit na ang gobyerno sa layunin nitong makapagbakuna ng 50 porsiyentong Pilipino sa pagtatapos ng taon.
Dapat aniyang maagapan ang problema sa kakulangan ng syringe dahil buhay at kaligtasan ng ating mga kababayan ang nakasalalay dito.
Ayon sa Department of Health, nakararanas ngayon ng pandaigdigang kakulangan sa suplay ng hiringgilya.
Dagdag ni Marcos, mas mainam kung ang pamahalaan ay bibili ng mga hiringgilya mula sa mga local manufacturers kaysa magkanya-kanya ang mga local government inits.
Ang pagtangkilik at pagsuporta aniya sa mga local manufacturers ng medical supply ay makakatulong para madagdagan ang trabaho at mapasigla muli ang ekonomiya ng bansa.
Makakatiyak din aniya na magiging sapat na ang suplay ng mga hiringgilya dahil hindi na aasa ang bansa sa international suppliers.
Sinabi pa ni marcos na mahalagang suportahan ang sariling atin at mas makakasiguro rin aniya na darating sa tamang oras ang mga suplay nito.
Ang pagsuporta rin aniya sa mga local manufacturers ay malaking tulong upang makalikha ng trabaho at dagdag na kita sa bansa.
Sa ngayon, mayroon lamang tatlong local manufacturers ng hiringgilya sa bansa kaya’t iginiit ni Marcos ang pangangailangan na magtayo pa ng mga kumpanya na makakatulong sa pagpapaunlad ng lokal na produksiyon ng medical supplies.
Ayon pa kay Marcos, dapat pang paigtingin ng bansa ang programa sa pagbabakuna upang mas marami ang mahikayat na magpabakuna at tuluyan nang makabangon ang bansa sa COVID-19 pandemic.
