Malaki ang maitutulong ng isasagawang National Vaccination Program ng gobyerno kahit hindi nito maabot ang target na bilang ng mababakunahan.
Ito’y ayon kay Dr. Anna Ong-Lim, Pediatric Infectious Disease Specialist, at sinabing marami pa rin ang matutulungan ng naturang programa ng pamahalaan.
Sa idadaos na National Vaccination Day Program, target ng gobyerno na makapagbakuna ng limang milyong indibidwal mula November 29 hanggang December 1.
Iginiit ni Lim na ang nagpapatagal lamang sa pagbabakuna ay ang proseso ng documentation at observation period. —sa panulat ni Hya Ludivico
