Dumipensa ang mga fans ni Belle mariano sa ginagawang pambabash sakaniya ng ilang netizens sa social media.
Kasunod ito ng naging panglalait ng ilang mga netizens sa pisikal na hitsura ni Belle partikular na sa kaniyang ilong.
Sa ginawang video live stream ni Belle noong Nobyembre a-tres, sinabi niya na nais lamang niya na mapasaya ang kaniyang mga fans.
Dito na nagsimulang magbigay ng komento ang ilang netizens at sinabing “hindi naman kagandahan ang naturang aktres” dahilan para rumesbak ang mga fans ni Belle.
Agad namang napansin ng actress-singer ang mga nagbigay ng negative comments kung saan, sa halip na mairita si belle ay pinasalamatan niya pa ang kaniyang mga bashers.
Ayon sa mga fans ng aktres, hindi maganda sa isang tao ang pagiging inggitera lalo na kung ginagamit ito upang makapanakit ng ibang tao.—sa panulat ni Angelica Doctolero
