Umabot na sa 50 preso ang namatay sa COVID-19 sa mga jail facility ng Bureau of Jail Management and Penology (BJMP).
Ayon kay BJMP Spokesman, Jail Chief Inspector Xavier Solda, kabilang ang mga nasabing fatalities sa 4,610 na kaso ng COVID-19 sa kanilang mga pasilidad.
Karamihan anya sa mga pumanaw na bilanggo ay may comorbidities.
Umakyat naman sa 4,441 ang gumaling habang mayroong 50 active cases.
Magugunitang inihayag ni Solda na naka-depende sa suplay ng bakuna ang inoculation program para sa mga bilanggo sa kabila ng panawagan na bigyan ng pantay na atensyon ang vaccination sa kanila.—sa panulat ni Drew Nacino
