Tuloy bukas ang ika-9 na linggong pagtataas sa presyo ng oil products.
Nag-abiso na ang Chevron Philippine Incorporated, Pilipinas Shell at Seaoil Philippines kaugnay sa pagtaas nila ng uno kinse sa presyo ng kada litro ng gasolina, 0.45 kada litro ng diesel at 0.55 sentimo sa kada litro ng kerosene.
Ganito rin ang taas-presyong ipatutupad ng Cleanfuel at Petro Gazz simula alas-6 ng umaga bukas maliban sa Chevron na magkakasa ng oil price hike alas-12:01 ng hatinggabi.
Sa pinakahuling data mula sa DOE, nasa halos 16 hanggang 20 piso na kada litro ang itinaas sa presyo kada litro ng mga produktong petrolyo.—mula sa ulat ni Jaymark Dagala (Patrol 9)
