Patay ang isang lalaki matapos na pagbabarilin sa harapan mismo ng kanyang bahay sa Imus, Cavite.
Kinilala ang nasawing biktima na si David Garcia, residente ng Barangay Malagasang II-B.
Sugatan naman ang asawa nito na dinala naman sa ospital.
Naghahanda umano ang mag-asawa para sa ihahatid na parcel nang biglang dumating ang salarin na sakay ng motorsiklo at pinagbabaril ang mag-asawa.
Tinangka pang habulin ng mga kaanak ng biktima ang suspek ngunit napatigil ang mga ito matapos silang tutukan ng baril.
Patuloy namang inaalam ng mga awtoridad ang pagkakakilanlan ng salarin.—sa panulat ni Hya Ludivico
