Susi sa population protection at herd immunity ang pasya ng Pangulong Rodrigo Duterte na buksan na ang pagbabakuna kontra COVID-19 sa general population.
Ayon ito kay Senador Bong Go, matapos ikatuwa ang pag apruba ng Pangulong Rodrigo Duterte sa rekomendasyon ni Vaccine Czar Carilito Galvez na ibubukas na sa Oktubre sa general population ang vaccination program ng pamahalaan base na rin sa mga panuntunan ng health experts.
Sinabi ni Go na magiging daan ito para mas maging masaya ang pasko ngayong taon at unti unting makabalik sa normal na pamumuhay.—sa ulat ni Cely Bueno (Patrol 19)
