Isinapubliko na ng Philippine Postal Corporation (PhlPost) ang commemorative stamps nito na tampok ang mga atletang Pinoy na nagwagi at nag-uwi ng karangalan sa bansa sa 2020 Tokyo Olympics.
Sa abiso PhlPost, ginawa ang unveiling ng stamps sa punong tanggapan nito o ang Manila Central Post Office Building.
Kabilang sa mga atletang tampok dito ay sina Gold Medalist Weightlifter Hidilyn Diaz, Silver Medalist Boxer Carlo Paalam, at Nesthy Petecio, maging ang Bronze Medalist ng boxing na si Eumir Marcial.
Paliwanag ni Postmaster General at ceo Norman Fulgencio, ipinakita sa naturang stamps ang aniya’y winning moment ng bawat atleta.
