Ipina-Cite for Contempt at inisyuhan ng Warrant of Arrest ng Senate Blue Ribbon Committee si dating Presidential Economic Adviser Michael Yang.
Ito’y matapos na hindi dumalo si Yang sa pagdinig ng Kumite hinggil sa procurement ng pamahalaan sa umano’y overpriced na COVID-19 equipments.
Mababatid na bago nito ay nag-isyu ang senado ng dalawang subpoenas kay Yang para humarap ito sa pagdinig at sagutin ang mga katanungan ng mga senador sa umano’y koneksyon ng Pharmally Pharmaceutical Company Corporation sa naturang procurement issue.
Bukod kay Yang, inaprubahan din ni Senador Richard Gordon na chair ng naturang Kumite ang panukala ni Senador Kiko Pangilinan na isyuhan ng Warrant of Arrests ang ilang opisyal ng Pharmally na kinabibilangan nina:
Mohit Dargani; Twinkle Dargani; Linconn Ong; Krizle Grace Mago; at Justine Garado. —sa ulat ni Cely Ortega Bueno (Patrol 19)