Nanguna sa Architect Licensure Examination (ALE) noong Agosto ang isang graduate ng University of San Carlos (USC) ng Cebu City.
Ayon sa Professional Regulation Commission (PRC), ito’y sa katauhan ni Benson Heinrick Go na nakakuha ng 83.50% na rating.
Sinundan naman ito ng kanyang kapwa mag-aaral sa USC na si Mark Anthony Flordelis na may 83.40%.
Pumangatlo sa kanila si Ryan Adarlo ng Batangas State University-Alangin na may 82.90%.
Pasok din sa listahan sina Patriz Cruz ng Bataan Peninsula State University-Main Campus; Alyanna De Villa ng Bicol State College Applied Sciences and Technology at iba pa.
