Aabot sa 10 milyong indibidwal ang fully vaccinated na ng COVID-19 vaccines.
Pagmamalaki ng Malakaniyang maituturing na isang milestone ang naabot ng national vaccination program simula ng magsimula ito limang buwan ang nakakalipas.
Ayon kay Presidential Spokesperson Harry Roque, kung dati ay nagkukumahog kung saan kukuha ng bakuna, ngayon ay mayroon nang 10 milyong Pilipino ang fully vaccinated na at may protektado na laban sa COVID-19.
Dagdag ni Roque, sasamantalahin ng pamahalaan ang dalawang linggong ECQ at sisikaping mas maging mabilis ang pagbabakuna sa panahong ito.
