Nilinaw ng Taguig City Local Government na ang pasyenteng may Delta Variant case, na unang iniulat ng kanilang COVID-19 task force, ay gumaling na sa sakit bago pa dumating sa lungsod.
Ayon kay City Epidemiology and Disease Surveillance Head, Dr. Jun Sy, na-detect ang Delta Variant case mula sa isang umuwing Overseas Filipino Worker noon pang Mayo.
Dinala anya ang OFW sa quarantine facility pagdating at pinalabas lamang ng pasilidad matapos tuluyang makarekober.
Nangangahulugan itong hindi tumungtong ng Taguig ang pasyente nang may dalang COVID-19 delta variant.
Pinayuhan naman ni Sy ang mga residente na ipagpapatuloy ang pagiging mapagmatyag at sumunod sa ipinatutupad na prevent-detect-isolate-treat-reintegrate strategy laban sa lahat ng variant ng COVID-19. —sa panulat ni Drew Nacino
