Napanatili ng Typhoon Quinta ang lakas nito habang binabaybay ang Mindoro Strait.
Batay sa severe weather bulletin number 17 ng PAGASA, huling namataan ang bagyong quinta sa layong 125 kilometer hilaga ng Coron, Palawan o 120 kilometer timog-kanluran ng Calapan City, Oriental Mindoro.
Taglay nito ang pinakamalakas na hanging umaabot sa 125 kilometers per hour at pagbugso ng hanging umaabot sa 150 kilometers per hour.
Kumikilos ito sa direksyong pakanluran sa bilis na 25 kilometers per hour.
Sa pagtaya ng pagasa, inaasahang muling lalakas ang Bagyong Quinta bago lumabas ng Philippine Area of Responsibility (PAR) bukas ng umaga.
Dahil dito, nananatiling nakatakas ang tropical cyclone wind signal number 3 sa hilagang-kanlurang bahagi ng Occidental Mindoro kabilang ang Lubang Island.
Signal number 2 naman sa Oriental Mindoro, nalalabing bahagi ng Occidental Mindoro, Calamian Islands, Batangas at extreme northern portion ng Antique.
Signal number 1 naman sa kanlurang bahagi ng Zambales, timog-kanlurang bahagi ng Pampanga, timog-kanlurang bahagi ng Bulacan, Matero Manila, Rizal, Cavite, Laguna, Quezon kasama ang Polilio Islands, Marinduque, Romblon at northern portion ng Palawan kasama ang Cuyo Islands, Aklaan at nalalabaing bahagi ng Antique.
Samantala, binabantayan din ng pagasa ang isa pang sama ng panahon na namataan sa layong 1,920 kilometers silangan ng Southern Luzon.
Ayon sa PAGASA, inaasahang papasok ang nabanggit na low pressure area sa loob ng PAR sa Miyerkules o Huwebes ng umaga at may posibilidad na mabuo bilang ganap na bagyo sa loob ng dalawang araw.