Lumarga na rin ang tinaguriang bakuna nights o bakunahan sa gabi sa Taguig City para sa mga nasa A4 category.
Sinimulan ang vaccination sa Bonifacio Global City 6pm hanggang kaninang alas dose ng hatinggabi.
Ayon kay Taguig City Mayor Lino Cayetano, layunin nito na ma-accommodate ang mas maraming manggagawa sa lungsod.
Nilinaw naman ni Cayetano na hindi pa pinapayagan ang walk-in na mga magpapabakuna at lahat ay kinakailangang magparehistro sa trace.taguig.gov.ph. —sa panulat ni Drew Nacino
