Nakatakdang maghalal ng mga bagong opisyal ang Catholic Bishops’ Conference of the Philippines sa Huwebes, July 8.
Ayon sa CBCP, mahigit 130 aktibo at retiradong obispo ang dadalo sa plenary assembly sa gitna ng pagtatapos ng apat na taong termino ni outgoing CBCP President, Davao Archbishop Romulo Valles.
Bukod sa Presidente, pagbobotohan din ang susunod na CBCP Vice President, kapalit ni Bishop Pablo Virgilio David, panibagong treasurer at chairman ng iba’t ibang komisyon ng episcopal conference.
Sa kasalukuyan ay binubuo ang CBCP ng 87 aktibong obispo, dalawang diocesan administrators, at 41 honorary members.
—sa panulat ni Drew Nacino