Iminungkahi ng Department Of Health o DOH ang pagpapatupad ng mas mahigpit na border control sa halip na palawigin ang travel ban sa mga bansang mataas ang kaso ng Delta variant.
Ayon kay Health Undersecretary Maria Rosario Vergeire, ito ay dahil nadiskubre na ang Delta variant sa 92 bansa.
Ani Vergeire hindi naman maaaring magpatupad ng travel ban sa lahat ng bansa kung saan nakitaan ng delta variant.
Kaya naman aniya mas makabubuti kung mas paiigtingin pa ang mga ipinatutupad na border controls sa lahat ng bansang panggagalingan ng mga byaherong papasok sa Pilipinas.
