Naresolba na ng Overseas Workers Welfare Administration (OWWA) ang pagkaantala sa paglabas ng resulta ng COVID-19 test ng mga umuuwing Overseas Filipino Worker.
Aminado si OWWA Administrator Hans Leo Cacdac na bumagal ang pag-proseso ng mga swab test kaya’t nabalam ang paglabas ng mga resulta.
Ayon kay Cacdac, na-isaayos na ng OWWA ang issue sa tulong ng COVID-19 laboratories sa Cebu.
Makikipag-ugnayan din anya ang Pamahalaan sa mga pribadong laboratoryo sa pagtugon sa returning OFWs upang mapabilis ang pag-proseso ng RT-PCR tests.
Kamakailan ay napaulat ang pagkaantala sa paglabas ng resulta ng COVID-19 test results dahil sa mataas na demand sa testing sa gitna ng paglobo ng bilang ng nagkakasakit sa bansa.