Pinalawig pa ng gobyerno ang travel ban mula sa mga bansang mataas ang kaso ng Delta variant hanggang Hulyo 15.
Ito ang inanunsyo ni Presidential Spokesperson Harry Roque kung saan kinabibilangan ito ng mga bansang United Arab Emirates, India, Pakistan, Sri Lanka at Bangladesh.
Ayon kay Roque, minabuti nang palawigin ang travel ban sa mga nabanggit na bansa upang maiwasan na may makalusot na Delta variant papasok ng bansa.
Nakatakda sanang magtapos ang travel ban sa mga nabanggit na bansa, bukas Hunyo 30.
Unang nadiskubre ang Delta variant sa India na sinasabing 60% itong mas nakakahaw kumpara sa ibang variant.