Bumaba ang bilang ng mga naitatalang bagong kaso ng COVID-19 kada araw sa National Capital Region (NCR).
Sa datos na inilabas ng OCTA research ito’y nasa 27% mula May 10 hanggang May 16 na naglalaro sa 1,479 cases.
Sa kaparehong datos ng grupo, lumabas din na ang reproduction number ng COVID-19 sa rehiyon sa nabanggit ng panahon ay nasa 0.57 habang ang positive rate naman ay bumaba sa 11%.
Mababatid na ang reproduction number na nasa 1 o higit pa ay malinaw na indikasyon ng patuloy na pagkalat ng virus.
Nauna rito, sang-ayon sa health department guidelines, ang pitong lungsod sa rehiyon na kinabibilangan ng Navotas, Malabon, Manila, Taguig, Caloocan, Pasay at Muntinlupa City ay itinuturing nang nasa moderate risk.
