Isinailalim sa modified enhanced community quarantine (MECQ) ang Zamboanga City habang nasa modified general community quarantine (MGCQ) naman ang Tacloban City.
Ito ang inihayag ng Malakanyang matapos aprubahan ng Inter-Agency Task Force (IATF) ang apela ng mga nasabing lokal na pamahalaan na baguhin ang quarantine classification sa kani-kanilang mga lugar.
Samantala, ayon kay Presidential Spokesperson Harry Roque, epektibo na sa lalong madaling panahon ang bagong quarantine status sa mga naturang lungsod.
