Limang katao ang patay kabilang ang isang kilalang doktor matapos pagbabarilin ng isang dating national football player sa Amerika.
Kinilala ang suspek na si Philip Adams, isang dating NFL pro na nakatira sa Rock Hill.
Nangyari ang insidente bandang alas singko ng hapon sa marshall road.
Matapos pagbabarilin ng suspek ang mga biktima , binaril din nito ang sarili gamit ang isang kalibre 45 na baril bandang hatinggabi.
Kinilala ang mga biktima na sina Dr. Robert Lesslie, 70 gulang, ang kanyang asawa na si Barbara Lesslie, 69 na taong gulang, at ang kanilang dalawang anak na si Adah Lesslie, siyam na taong gulang at limang taong gulang na si Noah Lesslie.
Kasama sa nabaril ang isang 38 gulang na si James Lewis, na nagtatrabaho sa Gaston County.
At ang ika-anim na biktima ay si Robert Shook kung saan agad na itinakbo sa ospital at ngayon ay nasa kritikal na kondisyon. —sa panulat ni Rashid Locsin
