Umakyat pa sa 572 ang kabuuang aktibong mga kaso ng COVID 19 sa hanay ng Philippine National Police (PNP).
Ito’y ayon sa Administrative Support to COVID-19 Operations Task Force (ASCOTF) batay na rin sa datos mula sa PNP Health Service.
Batay sa datos, umabot na sa kabuuang 11,691 ang kaso ng COVID-19 sa PNP matapos naman itong madagdagan ng 50 ang bagong kaso .
Tig-12 ang naitalang bagong kaso sa NCRPO at Central Luzon, 7 sa Central Visayas, 6 sa NOSU, 5 sa Soccsksargen, 4 sa NHQ, 2 sa NASU habang tig-1 naman ang naitala sa Cagayan Valley at Zamboanga Peninsula.
Nadagdagan naman ng 28 ang bilang ng bagong gumaling sa sakit kaya’t sumampa na ang bilang ng recoveries sa 11,087 habang nasa 32 naman ang death toll matapos itong madagdagan ng isa kahapon. —ulat mula kay Jaymark Dagala (Patrol 9)
